मान्छे !!




अन्धाहर'को शहरमा ऐना बेच्न हिड्दा मान्छे
झुटै ठहरियौ आज, एक्लो बृहस्पति रोज्दा मान्छे !!

सारा संसार झुटो भनि एक्लै उँचो हुन खोज्दा
पाताल तिरै भा'सी गयौ, चन्द्र छुन सोच्दा मान्छे !!

ठालूहर'कै बोला-बाला जहाँ पनि बिक्छ यहाँ
बिना कुनै हाँगो समाई चढ्न माथि खोज्दा मान्छे !!

दैब पनि ठुलैहर'को छैन रे है सानो को त
अझै पनि अघि बढ्ने, झिनो आशा राख्दा मान्छे !!

नरोकिने रै'छ पाइला कसै गरि पनि अझै
अनेक ठक्कर, अनेक धोका खादैं अघि बढ्दा मान्छे !!

Comments

  1. दिनेश राजSeptember 21, 2010 at 7:29 AM

    गज्जब डट कम जी । मन पर्यो ।

    ReplyDelete

Post a Comment

Popular posts from this blog

यस्तो हुनुपर्छ बिद्यालय भवन

भूकम्प प्रतिरोधी भवन निर्माणको शिक्षामा सबैभन्दा पहिले सिकाइने भनेको साना तथा मझौला स्तरका भूकम्पहरुले न्यून वा सामान्य मात्रै क्षति पुर्याउने भवनहरुको निर्माण बिधि र ठुला तथा विध्वंसक भूकम्पहरु घटित हुँदापनि अत्यावश्यकिय सेवा प्रवाह गर्ने अस्पताल, किन्डरगार्टेंन, आणविक भट्टी आदि जस्ता सम्बेदनशिल भवनहरु निर्वाद रुपमा सेवा दिन सक्षम रहने प्रकृतिका निर्माणबिधि हुन | कुनै पनि भूकम्पले अलिकति पनि असर नपार्ने भवन निर्माण गर्न अत्यन्तै जटिल छ, असम्भवप्राय छ | भूकम्प प्रतिरोधी भवनहरुले गर्ने भनेको चाहिँ मानवीय तथा भौतिक क्षति सकेसम्म न्यून गर्ने र अत्यन्तै नाजुक अवस्थामा पनि मानवहरु सुरक्षित स्थानसम्म भाग्नसक्ने समयको उपलब्धता प्रदान गर्ने नै हो | सन् २००५ मा भएको एक अध्ययनले नेपाललाई भूकम्पीय जोखिमको कारणले बिश्वको ११औं जोखिमयुक्त देश भनेर तोकेको छ भने बहुजोखिमयुक्त मुलुकहरुको सुचिमा नेपाल २०औँ स्थानमा पर्दछ | अहिलेको भूकम्प एउटा प्रतिनिधिमुलक घटना भयो जसबाट हामीले धेरैभन्दा धेरै पाठ सिकेर हाम्रो भविष्य जोखिममुक्त बनाउन धेरै कार्यहरु गर्न आवश्यक छ | अहिलेको जोखिम टर्यो र मेरो घर बस्ति ...
Read more>>>

लघुकथा : यहाँको चलन

धत् बुढी | तँ चिन्तै नगर के देशको बारेमा | तँ एकजनाले चिन्ता गरेर देशको केहि लछारपाटो लाग्ने हैन क्यारे, भो बरु एक कप मिठो चिया बना त | गमक्क फुलेर बसेकी बुढीलाई नेताजीले मुस्कुराउँदै सम्झाउन खोज्दैथिए | हेर न बुढी, अब न कुनै योग्यता, न केइ गुण, आनन्दले मन्त्रि पद पड्काईयाछ, मनग्य कमाइयाछ | अख्तियारले खेदेसी भन्या देखाजाएगा | फेरी १० करोड कमाइसकेसी १ करोड तिर्न बाल मतलब ? अनि एक-दुइ बर्ष जेल नै बस्नुपरे नि बस्दिउंला नि, त्यति जेल बस्द्या भरमा बाँकी नौ करोड आफ्नो हुन्छ भने के चिन्ता ?? फेरी यस्तो सिचुएशन आउने भन्या त कतै केहि नलागेसी हो, तँ मान न तेरो बुढोलाई यस्तो भवितब्य त ज्यानजाला पर्दै पर्दैन | सोझै व्यक्तिगत रिसइबीले मान्छे मार्नेलाई त आम माफी, अझ मन्त्रि पद नै दिन त पछि पर्दैनन हाम्रा राष्ट्रभक्त प्रधानमन्त्रिहरु  | ठुलै भाग्य ले'र मन्त्राणी बन्न जन्म्यारैछेस तँ बुझिस |  रिसाएर गमक्क फुलेकी मन्त्राणी खुट्टा बजार्दै भान्छा छिर्छे | ग्याँस बाल्छे र चिया बसाल्छे ... अनि सोच्छे, हुन त हो नि | देशैभरि ग्याँसको हाहाकार भएर मान्छे भोकभोकै पर्दापनि त हाम्रोमा कहिल्यै ग्याँस सके...
Read more>>>

सशंकित संरक्षणकर्मी

नेपाल सरकारले तदारुकताका साथ निर्माण गर्दै गरेको १ , ७९२ किमि लम्बाइको हुलाकी राजमार्गका विभिन्न खण्डमा सडक विभागको हुलाकी राजमार्ग निर्देशनालयअन्तर्गत विभिन्न आयोजना कार्यालयले सडक निर्माण गर्दैछन्। यहाँ चर्चा गर्न लागिएको विषय भने नेपालको बर्दिया राष्ट्रिय निकुञ्ज तथा भारतको कतर्नियाघाट वन्यजन्तु आरक्ष जोड्ने कर्णाली गेरुवा खोलामा निर्मित हालसम्मको लामो कोठियाघाट पुलदेखि पूर्वको झन्डै २.५ किमि वन क्षेत्रको हो जुन खाता जैविक मार्ग हो र जसको प्रयोग बाघ , गैँडा , जंगली हात्तीबाहेक अन्य २३ प्रजातिका वन्यजन्तुले प्रयोग गर्ने गरेको वैज्ञानिक अध्ययनहरूबाट पुष्टि भइसकेको छ। खाता जैविक मार्ग घाँसे मैदान र नदी तटसमेत गरी झन्डै ८ हजार ४ सय हेक्टर वनक्षेत्रको समायोजन हो जुन झन्डै १३ किमि लम्बाइ र १ देखि ६ किमिसम्म चौडाइमा छ। यस जैविक मार्गको झन्डै २.५ किमि लम्बाइ छिचोल्दै हुलाकी राजमार्ग अगाडि बढ्छ जसका कारण संरक्षणकर्मीहरू सशंकित छन्। र , हाल निर्माणाधीन सो सडकखण्डको दिगो व्यवस्थापनका निम्ति निरन्तर अन्तरक्रिया र गोष्ठीमा जुटिरहेका छन्। २०७५ फागुन १० गते बर्दिया सम्वाद समूहले बर्दियाका सबै ...
Read more>>>