सफलता एच. आइ. भी. शिक्षा सदन
जीवनमा गल्ति कसले पो गर्दैन र ? फेरि मानव भएर जन्मिए पछि गल्ति नै नगरे त के सार्थक भयो र जीवन ? अनि गल्ति बाटै नै त हो नि सिक्दै जाने, जीवनका अनेकौँ पाटाहरु | फेरि गल्ति गरिए पश्चातको सजायको भागेदार हुनुपनि त स्वाभाविक नै त हो नि | तर एकफेर सोचौँ त, जसले जिन्दगीमा कहिल्यै केहि गल्ति नै गरेका छैनन्, उनीहरुको पिता/माताले गरेको सानो/ठूलो गल्तिका भागेदार कलिला नानीहरु हुने र सोहि गल्तिकै भारि बिसाइदिएर समाजले सधैँ छिछि र दुर दुर गर्ने अवस्था आएमा भने उनीहरुले गर्ने के ?? Saphalta HIV Shikshya Sadan हो यस्तै आफुले कहिल्यै नगरेको गल्तिको शिकार भएका साना नानीबाबुहरु हुन ‘सफलता एच. आइ. भी. शिक्षा सदन’मा आश्रित १० जना बालबालिकाहरु | फेरि यिनीहरु त हाम्रा समाजका प्रतिनिधि पात्रहरु मात्रै न हुन | यस्तै अवस्थामा समाजमा अपहेलित भएका कलिला बालबालिकाहरु जसलाई एच. आइ. भी.कै अर्थ पनि थाहा नहुन सक्छ वा अरुले जे घोकाइदिएका छन्, त्यसैलाई नै सर्वेसर्वा मानेर आफु समाजको अपहेलित पात्र नै हुँ भन्ने मानेर जीवन जिउन बाध्य झन् कति होलान | मंजु चन्दका आमा-बाबु उनी सानै छँदा बिते | सधैँ बिमारी
